Friday, September 4, 2009

சித்திரக்கல்: மதுரையில் ஓவியங்கள்-ஓவியங்களில் மதுரை புகைப்பட மற்றும் ஓவியக் கண்காட்சி.

சென்ற பதிவில் குறிப்பிட்டபடி மதுரையில் புத்தகக் கண்காட்சியோடு திரு.காந்திராஜன் அவர்களின் கண்காட்சியும் சிறப்பாக நடைபெற்றுக் கொண்டிருக்கிறது. சித்திரக்கல் எனும் அவருடைய அமைப்பும் கடவு பதிப்பகத்தாரும் INTACH அமைப்பினரும் சேர்ந்து கண்காட்சியை அமைத்திருக்கிறார்கள்.மதுரை மற்றும் அதன் சுற்றுப்புற பகுதிகளில் உள்ள ஓவியங்களும் ,மதுரை குறித்து பிற பகுதிகளில் வரையப் பட்டிருக்கும் ஓவியங்களும் கண்காட்சிக்கு வைக்கப் பட்டுள்ளன .இக்கண்காட்சியின் நோக்கம் ,மதுரையில் ஓவிய மரபை வெளிக் கொணர்வதும் மேலும் மதுரையில் உள்ள தொல் பழங்காலச் சின்னங்கள் குறித்து விழிப்புணர்வு ஏற்படுத்துவதேயாகும்.

மனிதன் தன் பார்வைக்கும் ,சிந்தைக்கும் காணக் கிடைத்த உலகியல் அனுபவங்களை ,பிறருடன் பகிர்ந்து கொள்ள முற்பட்டபோது முதலில் உருவானது ஓவியம்.எளிய கோட்டோவியங்கள் மூலம் தன் வாழ்வியல் சூழலை ,கற்காலம் தொட்டே மனிதன் தான் வசித்த மற்றும் கடந்து சென்ற குகைகளிலும் பாறை ஒதுக்குகளிலும் வரைந்துள்ளான். இதன் தொடர்ச்சியாக ,அரசு மற்றும் மத நிறுவனங்களால் உருவாக்கப்பட்ட கட்டிடக் கலையில் ஓவியங்களும் ,சிற்பங்களும் ,தத்துவார்த்த நிலைப்பாடுகளில் அழகியல் தன்மையோடு உலகெங்கும் காணக் கிடைக்கின்றன.இதுவரை கண்டுபிடிக்கப்பட்ட ஓவியங்களில் தொன்மையானவை ஐரோப்பா,ஆப்பிரிக்கா போன்ற நாடுகளில் 40,000 ஆண்டுகளுக்கு முன் வரைந்ததாகக் கருதப்படுகிறது.இந்தியாவில் பெருமளவில் எல்லா பகுதிகளிலும் வரலாற்றுக்கு முந்தைய பாறை ஓவியங்கள் கண்டறியப்பட்டுள்ளன . மத்தியப் பிரதேசப்பகுதிகளில் காணப்படும் ஓவியங்கள் சுமார் 20,000 ஆண்டுகளுக்கு முற்பட்டதாக கூறப்படுகின்றது.இவை இந்தியாவிலேயே பழைமையான ஓவியங்களாகக் கருதப்படுகிறது.

தமிழகத்தில் நூற்றுக்கணக்கான இடங்களில் உள்ள குகை மற்றும் பாறை ஒதுக்குகளில் வரலாற்றுக்கு முந்தைய ஓவியங்கள் வரையப் பட்டுள்ளது.மதுரைக்கருகே அழகர்மலை,கருங்காலக்குடி,கீழவளவு ,உசிலம்பட்டி போன்ற இடங்களில் வரலாற்றுக்கு முந்தைய ஓவியங்கள் காணப்படுகின்றன.


கண்காட்சி முடிய இன்னமும் நான்கு நாட்களே உள்ளன.மதுரைக்கு வாருங்கள்.




12 comments:

குமரை நிலாவன் said...

பகிர்தலுக்கு நன்றி ஸ்ரீ சார்

சுந்தர் said...

படங்கள் அருமை .

Cable Sankar said...

உடனே டிக்கெட் அனுப்பவும்..:)

உலவு.காம் (ulavu.com) said...

புத்தம் புதிய தமிழ் திரட்டி உலவு.காம்
தமிழ் வலைப்பூகள் / தளங்களின் சங்கமம் உலவு.காம்
www.ulavu.com
(ஓட்டுபட்டை வசதிஉடன் )
உங்கள் வலைப்பூவை இணைத்து உங்கள் ஆதரவைதருமாறு வேண்டுகிறோம் ....

இவன்
உலவு.காம்

Anbu said...

பகிர்தலுக்கு நன்றி ஸ்ரீ சார்

வானம்பாடிகள் said...

அருமையான படங்களும் தகவலும். நன்றி ஸ்ரீ.

வால்பையன் said...

படங்களுக்கு நன்றி மாமே!

மதுரை வரும் போது அந்த இடங்களுக்கு சென்று பார்க்க முடியுமா!?

JesusJoseph said...

நல்ல தகவல்

நன்றி,
ஜோசப்
http://www.sirippuulagam.com

பீர் | Peer said...

தவிர்க்க முடியாமல் தவற விடுகிறேன் :(

சந்தான சங்கர் said...

அழைப்பிதல்

நிகழ்ச்சி : மூன்றாம்பிறை
நாள் : உங்கள் நாள்
நேரம்: உங்களின் நேரம்

வரவேற்பு : கவிதைகள்

அன்புடன்,
சந்தான சங்கர்.

(மொய் எழுதவேண்டாம்
மெய் எழுதிவிட்டு செல்லுங்கள்.)

பாலகுமார் said...

பகிர்விற்கு நன்றி ஸ்ரீ!
இது பற்றி, எனது இடுகை:
http://solaiazhagupuram.blogspot.com/2009/09/blog-post.html

ஸ்ரீ said...

நண்பர்கள் அனைவர்க்கும் நன்றி.